Besoek www.sacronavirus.co.za vir meer inligting.

Goeie nuus! - Toeskouers nou weer toegelaat.

Beste Tweekampers

Ons het goeie nuus gekry. Die nuutste toegewing is dat daar tot 2,000 mense by sportbyeenkomste kan wees as dit buite is en tot 750 as dit binne is.

Na aanleiding hiervan gaan ons dan by die komende naweek se byeenkoms in Langebaan toeskouers toelaat.

Beste Tweekampers

Soos almal weet is Tweekamp ook soos die meeste ander aktiwiteite redelik tot stilstand geruk met die Covid pandemie.

Daar was die afgelope maande baie gesprekke met SAMPA gewees om te kyk na opsies om samewerking te kry. Indien dit kan werk is daar die moontlikheid vir internasionale deelname wat hoofsaaklik deur die British Schools Biathlon Association bewerkstellig kan word.

Daar sal uiteraard nog baie water in die see moet loop om eenstemmigheid te kry aangesien hulle afstande en ouderdomme  baie verskil  van Tweekamp. 

Daar word ‘n byeenkoms beplan vir 12 Julie 2021 in Somerset Wes by Somerset College wat as ‘n proeflopie beskou kan word om moontlike samewerking te bewerkstellig. Al die provinsies is genooi om spanne in te skryf. Aangesien Boland (soos meeste van die ander provinsies) nog geen byeenkomste die afgelope jaar gehou het nie, is daar geen maatstaf wat gebruik kan word om atlete/spanne te kies nie en is die tyd ook te min.

VERDERE INLIGTING OOR DIE SEISOEN

Beste Tweekampers

Soos ek in my skrywe van 6 Januarie aangedui het, sal ons kyk hoe die Covid aangeleentheid ontvou en watter regulasies deur die regering verder ingestel/verander  word.

Soos almal weet het die President die inperkings op vlak 3 verder verleng met ‘n paar toegewings wat meer spesifiek van toepassing is op die verandering van die aanklokreël,  verkoop van alkohol ensovoorts. Verder is al die ander inperkings nog van krag.

Ons as komitee het uiteraard weer hieroor besin en na aanleiding hiervan sal die beplande byeenkomste vir 13 en 20 Februarie 2020 dan ook afgestel moet word. In praktyk beteken dit dan basies dat die seisoen verby is.

Niemand weet werklik wat die toekoms inhou met Covid nie. Ons sal egter gedurig die situasie evalueer  en dan daarvolgens beplan en handel.

Kom ons bly positief oor die toekoms. Al wat ons kan doen is om te bly oefen en glo en vertou dat dinge beter sal word. Soos ons almal weet sal dit egter nie gou weer na normaal terugkeer nie. Na aanleiding hiervan sal ons dan ook in die toekoms dinge anders moet doen.

Indien daar enige onduidelikheid is, as meer inligting verlang word of as daar voorstelle/wysheid is, kontak my asseblief.

Vriendelike groete

Len Symington

8 Februarie 2021

Len Symington

Voorsitter

082 875 2257

Dirk Malan

Onder Voorsitter

074 485 0321

Coenie Slabbert

Tesourier

084 522 3522

Mariana Symington

Sekretaresse

082 807 5887

Coenie van Vuuren

Addisionele Lid

082 599 0339

Mariaan Malan

Addisionele Lid

084 742 3698

JT Burger

Addisionele lid

072 459 5952

Marli Slabbert

Addisionele lid

079 527 5149

Annelie Wessels

Addisionele lid

071 324 0935

 

BELANGRIKE KENNISGEWING OOR CITRUSDAL BYEENKOMS

Beste Tweekampers

Ek was nou net besig om die kennisgewing vir volgende week se byeenkoms in Citrusdal reg te kry om uit te stuur en die webwerf oop te maak vir inskrywings toe ek deur Citrusdal se verteenwoordiger gekontak is.

Daar is tans in daardie omgewing baie Covid aktiwiteite en  na aanleiding hiervan sal die byeenkoms ongelukkig nie meer daar aangebied kan/mag  word nie.

Die byeenkoms word dan gekanselleer.

Net tyd sal ons nou leer oor wat die toekoms inhou. Soos ons aangaan sal ons almal op hoogte probeer hou.

Een vraag wat nou deurlopend gevra word is hoeveel byeenkomste moet gedoen word om vir SA Kampioenskappe te kwalifiseer. Dit sal uiteraard afhang van hoeveel byeenkomste Boland sal kan aanbied en of die SA Kampioenskappe wel sal voortgaan. Net tyd sal ons leer.

Soos dit tans is,  is die beplanning om die volgende byeenkoms dan op 16 Januarie 2021 in Langebaan by Curro te hou.

Kommunikeer asseblief die boodskap ook aan ouers en ander rolspelers.

Indien iets onduidelik is of as meer inligting verlang word, kontak my asseblief.

Vriendelike groete

Len Symington

Go to top